இத்திட்டத்தின் கீழ் உட்கட்டமைப்புச் செலவில் அதிகபட்சமாக ரூ.2.50 கோடிக்கு உட்பட்டு தகுதியான திட்டச் செலவில் 50% நிதி உதவி வழங்கப்பட்டு வருகிறது. தொழில் சங்கங்கள், தொழில் முனைவோர் குழு மற்றும் சங்கங்கள் சிறிய அளவிலான ஜவுளிப் பூங்கா திட்டத்தின் முக்கிய பங்கேற்பாளர்கள் ஆவர். குறைந்தபட்சம் 3 தொழிற்கூடங்களுடன் குறைந்தபட்சம் 2 ஏக்கர் நிலம் வைத்திருப்பதே இத்திட்டத்தின் கீழ் பயனடைய தேவையான தகுதியாகும். இத்திட்டத்தின் கீழ் பொது உட்கட்டமைப்பு, பொது வசதிகள் மற்றும் உற்பத்தி நோக்கங்களுக்காக தொழிற்சாலை கட்டிடங்கள் ஆகிய திட்டக் கூறுகளின் கீழ் மானியம் வழங்கப்படுகிறது.