தமிழ்நாட்டில் ஜவுளித்துறையும், மற்ற துறைகளைப் போலவே, தொழில்நுட்ப நவீனமயமாக்கலின் காரணமாக புதியதொரு முயற்சியினை மேற்கொண்டு வருகிறது. மேலும் உயர் தொழில்துறை வளர்ச்சியினை ஒரு முக்கிய குறிக்கோளாகப் பின்பற்றுவதன் மூலம், திறமையான பணியாளர்களின் தேவையினை ஜவுளித்துறையானது அங்கீகரிக்கிறது. குறிப்பாக நூற்பு, நெசவு, பின்னல் மற்றும் தொழில்நுட்ப ஜவுளி உள்ளிட்ட ஒழுங்கமைக்கப்பட்ட மற்றும் ஒழுங்கமைக்கப்படாத பிரிவுகளில் தற்போது ஈடுபட்டு வரும் தொழிலாளர்களின் திறன்களை மேம்படுத்த கணிசமான தொழில் பயிற்சியானது தேவைப்படுகிறது. எனவே வளர்ந்து வரும் திறன் தேவையின் இடைவெளியினைக் குறைக்கும் விதமாக, ஜவுளித்துறையானது ஒரு உன்னத முயற்சியில் இறங்கியுள்ளது. அதாவது வேலையாட்களுக்கான பயிற்சித் திட்டத்தின் கீழ், தமிழ்நாடு திறன் மேம்பாட்டுக் கழகத்துடன் இணைந்து, தொழில்நுட்ப ஜவுளி உட்பட பல்வேறு ஜவுளித் துறைகளில் 8950 நபர்களுக்கு திறன் மேம்பாட்டுப் பயிற்சி வழங்கிட ஜவுளித்துறையினால் நடவடிக்கை மேற்கொள்ளப்பட்டு வருகிறது.