மேற்கண்ட பிரச்சனைகளைக் களைந்திட, மாண்புமிகு கைத்தறி மற்றும் துணிநூல் துறை அமைச்சர் அவர்களால் 2022-2023 ஆம் ஆண்டுக்கான துணிநூல் துறையின் மானியக் கோரிக்கையின் போது “தமிழ்நாட்டிலுள்ள ஜவுளிப் பதனிடும் தொழில் சார்ந்த பொதுக் கழிவு நீர் சுத்திகரிப்பு நிலையங்களில், சுத்திகரிப்பு செய்த பின்னர் இருப்பாக உள்ள மீதமுள்ள கழிவு உப்புகளை சுற்றுச்சூழல் பாதிப்பின்றி அகற்றிடத் தேவையான ஆராய்ச்சி மற்றும் மேம்பாட்டுப் பணிகள் (Research and Development) ஊக்குவிக்கப்படும் " என அறிவிக்கப்பட்டது. இதற்கென விசாரணைகள், காட்சியுரை மற்றும் பொதுகழிவுநீர் சுத்திகரிப்பு நிலையங்களில் கலப்பு கழிவு உப்பு பிரச்சனைகளுக்கு மிகவும் பொருத்தமான தொழில்நுட்பத்தை கண்டறியும் நோக்கத்தில் ஆராய்ச்சி மற்றும் மேம்பாட்டு செயல்பாடுகளை எளிதாக்குதல் தொடர்பான செலவுகளை மேற்கொள்ளும் பொருட்டு அரசு வரவு செலவு திட்டத்தில் ரூ.25.00 லட்சத்தினை ஒதுக்கீடு செய்துள்ளது.